كشف المهندس كامل الوزير وزير النقل للمرة الأولى عما تردد حول انهيار محور كمال عامر.
وقال الوزير خلال مداخلة هاتفية مع برنامج “على مسئوليتي”، المذاع على فضائية “صدى البلد”: “أنا آسف بس مش عاوز أقول في شوية ناس مش بيفهموا ولكنهم يرموا شوية تراب على الحاجة الحلوة”.
إعدام كامل الوزير
وأضاف: “الناس إمبارح قالوا الحق الكوبري وقع وإعدام كامل الوزير وصرف 2 مليار جنيه على الكوبري ووقع”.
وأردف كامل الوزير: “أنا المسئول عن كل كباري مصر ولكن مفيش حاجة انهارت ولا وقعت، واللي اتقلب الكمر كانت على ونش بيركبها وكانت بعيد عن الشارع في آخر منزل للكوبري اللي شغال تجريبي ولا تشكل خطورة على الناس”.
Ads
واستطرد أن كمر خرساني فقط وقعت وكمان مالت على جمبها واتقطمت ووقعت في المكان المحدد للعمل ومن توفي العامل المسئول عن تركيب الكمر الخرساني فقط.
وقال: “افهموا وبصوا وحللوا واعقلوا وشوفوا ايه يتقال وايه ميتقالش”.
محور كمال عامر لم يتم افتتاحه
وواصل كامل الوزير، أن الكوبري لم يتم افتتاحه بعد وإنما شغال تجريبي والرئيس السيسي هيشرفنا لافتتاح كل المشروعات في المنطقة.
واختتم قائلًا: “مهما نقول اللي كارهينا ربنا يهديهم ويقدرنا ونعمل حاجات كتيرة لبلدنا تحت إشراف رئيسنا في الولاية اللي انتخبه فيها الشعب الأصيل اللي فاهم”.
