أكد الرئيس السيسي أثناء كلمته في تفقد اصطاف الفرقة الرابعة المدرعة في الجيش الثالث الميداني بالسويس، أن قوة الجيش المصري دائمًا تكمن في الدفاع عن الدولة مشددًا “اوعى الغضب والحماسة تخليك تفكر أبدا بشكل تتجاوز فيه”.
الرئيس عبد الفتاح السيسي
كما لفت “في ظل ظروف المنطقة اللي موجودة دلوقتي، كلامي هنا لينا كلنا للعسكريين والمدنيين، مهم أوي وانت بتمتلك قوة وقدرة، إنك انت تكون بتستخدمها بتعقل ورشد وحكمة، ولا تطغي”.
وتابع: “ميبقاش عندك أوهام بقوتك، ساعات أسمع كلام، يقولك ما دام عندنا يعني.. لأ، عندك عشان تدافع عن نفسك وبلدك”.
السيسي
Ads
كذلك وجه الرئيس عبدالفتاح السيسـي، التحية للقوات المسلحة، لدورها وقت الحرب والسلم، وبمناسبة مرور 50 عاما على نصر أكتوبر العظيم.
وأردف السيسي خلال كلمته، “عايز أقولكم على حاجة، أكتوبر بالنسبة لنا له معنى كبير أوي عشان كان عبور من حالة يأس إلى أمل، ومن إحباط إلى فخر، ومن هزيمة إلى نصر”.
وبالتالي “في كل سنة نتذكر الجهد والتضحية اللي قدمتها مصر والقوات المسلحة من أجل تحقيق هذا”.
كلمة الرئيس السيسي
كذلك قال: “النهاردة بعد 50 عاما، مهم أوي نستخلص الدروس والعبر ونستمر في ذلك، النهاردة الحديث عن الأمن القومي والحفاظ عليه، وده دور أصيل ورئيسي للقوات المسلحة، وهو حماية الحدود المصرية وتأمين الامن القومي ومصالح مصر”.
وأكد “أن مصر أبدا عبر تاريخها مكنتش أبدا تتجاوز حدودها، دائما كل أهدافها تحافظ على ترابها وأرضها، وده معناه إن الجيش بقوته ومكانته وكفاءته، هدفه حماية مصر وأمنها القومي دون تجاوز”.
