قال الرئيس عبد الفتاح السيسي خلال احتفالية يوم الشهيد “أن فيه تمن اتدفع في البلد دي علشان تستمر وعلشان تبقا آمنة وتستمر، واللى اتعمل في رقابتنا كلنا والحفاظ عليها، والعمل أنها تطور وتطلع لقدام، ده ضريبة لازم ندفعها كلنا”.
السيسي
مشيراً إلى “إن حرب 67 و73 وحتى الحرب الأخيرة اللى قعدنا فيها 10 سنين نحارب الإرهاب اللى هي كنا بنجابه فيها فكر منحرف متطرف استباح دمنا ومستقبلنا، أنه يخرب بلدنا زى ما دول كتير اتخربت وزى ما دول كتير راحت وكان متصور انه ممكن يعمل كده، وبرضه بإخلاص ودماء ابناءنا سواء اللى استشهدوا او اللى أصيبوا”.
Ads
الشهيد عبد المنعم رياض
كما تحدث الرئيس السيسي عن الفريق الشهيد عبد المنعم رياض قائلا: “الحقيقة الكلام اللى النهاردة اتعرض سواء استشهاد الفريق عبد المنعم رياض.. وفيه حاجة لضباطنا وطلاب الكلية العسكرية.. وكان فيه يوميات عن حياة الشهيد عبد المنعم رياض.. عن مراحل حياته.. لما راح مكتبه لقي انهم مجهزين مكتب كويس أوي.. قال عاوز حاجة بسيطة بس ترابيزة، وشيلوا السجادة دي.. توقفت جدا قدام الإجراء ده.. الاستقامة والزهد فى الدنيا هو طريق الخير الكبير أوى للناس”.
وأردف ” انا بقول الكلام ده لنفسي ولكل الموجودين.. الفريق عبد المنعم استشهد.. ودي كانت مقدمات وأن المسار والطريقة دى والنفس دى أكيد هيبقي معها خير عظيم وتنتهى أن يستشهد وياخد لقب شهيد.. نفضل كل سنة نحتفل ونتكلم عنه ونقدر مساره”.
