قال الرئيس عبد الفتاح السيسي خلال كلمته التي ألقاها في افتتاح مركز البيانات والحوسبة السحابية والحكومية أن العنصر البشري الذي سيعمل في مجال تكنولوجيا المعلومات قد يحقق لنفسه ولمصر الكثير، متابعا: «مصر لو عندها كوادر بشرية متقدمة ممكن نكون في حتة تانية، ولو المصريين موقفوش مع ولادهم في ابتدائي وإعدادي وثانوي عشان يعلموهم الكلام ده، ففرص إننا نكون أغنياء هتبقى قليلة».
التحول الرقمي
كما ذكر أن ما تقوم به مصر في كافة الملفات ولا سيما التحول الرقمي كبير جدًا .
متابعاً “اللي بنعمله فوق خيالكم، إحنا بنعمل حاجات كتير قوي والناس البساط ميعرفوش إحنا بنعملها عشان نحقق منها إيه”.
وأضاف الرئيس : “لكل أسرة مصرية، إذا كان عندكم ولاد في الإعدادي والثانوي، لو عاوز تعمل مستقبل لولادكم، لازم تعلموهم الكلام ده الناس بتحقق من المجال ده من 20 لـ100 مليار دولار”.
كما ذكر إن 90% من الكابلات البحرية الموجودة فى العالم تمر عبر مصر.
الكابلات البحرية
Ads
مضيفا: “إحنا قصدنا نحط شريحة معينة (7/20 ) علشان نقول، الفكرة كلها إن إحنا موجودين فيه النهارده إن لينا موقع كويس قوي ممكن نستفاد منه، وبالفعل بدأنا في ده من سنين طويلة فاتت وهو موضوع الكابلات البحرية اللى بتعدي 90% من الموجود في العالم عندنا”.
حيث أكد الرئيس أن مصر تعتبر نقطة ومحورًا رئيسيًا لنقل البيانات في العالم و من الضرورة تجهيز بنية أساسية متكاملة للحفاظ على دور مصر كمنطقة رئيسية لنقل البيانات في العالم.
بنية تحتية رقمية
يينما ذكر أنه كان لا بد أن نجهز بنية تحتية رقمية قوية، من أجل إنشاء مركز البيانات والحوسبة السحابية والحكومية، والتي تمت بتكلفة وصلت مليارات الدولارات.
وأضاف أن الاستفادة من هذا المركز تجهيز الدولة المصرية للانطلاق الحقيقي، في مجال نقل البيانات والمعلومات الرقمية.
الوظائف التكنولوجية
كما تحدث الرئيس عن جهود الدول في دعم الوظائف التكنولوجية الحديثة التي توفر أموالا طائلة.
متابعا: “من غير ما أجيب أسماء دول.. فيه دول عندها عدد سكانها بسيط جدا جدا لا يتعدي الملايين بعدد أصابع اليدين.. وبتعمل في المستوي الثالث من الوظائف التكنولوجية الحديثة أكثر من نصف مليون شخص.. وممكن 750 ألف دولار.. يعني 700 ألف ولا 500 ألف شخص شغالين في المجال ده.. وكل واحد بيعمل 100 ألف دولار.. يعني 70 مليار دولار.. ده عقل.. لا عاوز مصنع ولا حاجة خالص.. ده عاوز دماغ وحاسب”.
